ចោលចាប
Posts
កិច្ចវត្ត ន.វត្តដែលគួរធ្វើគួរប្រព្រឹត្តរបស់បព្វជិតមាន១០យ៉ាង
១. ភិក្ខុ ជាសទ្ធិវិហារិកគួរយកចិត្តទុកដាក់ឧបដ្ឋាកព្រះឧបជ្ឈាយ៍របស់ខ្លួន ក្នុងកាលដែលអាស្រ័យនៅជាមួយ លោក ។ ២. ភិក្ខុ ដែលឧបជ្ឈាយ៍សម្ដែងទឹកចិត្តដ៏ចំពោះសទ្ធិវិហារិករបស់ខ្លួន ក្នុងកាលដែលគេមកជ្រក អាស្រ័យនៅ ។ ៣ .ភិក្ខុ ជាអាគន្ដុកៈទៅអាវាសដទៃគួរប្រព្រឹត្តឱ្យសមគួរជាភ្ញៀវរបស់គេ ។ ៤. ភិក្ខុ ដែលជាម្ចាស់កន្លែងពេលមានអាគន្ដុកភិក្ខុមកស្នាក់អាស្រ័យគួរទទួលរាក់ទាក់ដោយ សមគួរ ។ ៥. ភិក្ខុ អ្នកទៅនៅទីដទៃគួរប្រតិបត្តិឱ្យត្រូវតាមនាទីមានរក្សាទុកដាក់ទីសេនាសនៈជាដើម ។ ៦. ភិក្ខុ អ្នកចូលទៅដើម្បីទទួលបិណ្ឌបាតក្នុងចន្លោះផ្ទះគួរប្រព្រឹត្តឱ្យបានត្រូវតាមទំនៀម ។ ៧. ភិក្ខុ អ្នកឆាន់អាហារគួរប្រព្រឹត្តឱ្យត្រូវតាមទំនៀម ។ ៨. គល់ឈើ ជាសេនាសនៈដំបូងរបស់ភិក្ខុសូម្បីយ៉ាងនោះក៏ដោយចាំបាច់ត្រូវរកសេនាសនៈជាទីកំបាំងដែល មនុស្សធ្វើ ឬធ្វើដោយខ្លួនឯង ។ ៩. ភិក្ខុ គួរថែសម្អាតក្នុងវច្ចកុដិ (បង្គន់) ឱ្យបានស្អាត ។ ១០ .ភិក្ខុ គួរជួយគ្នាព្យាបាលភិក្ខុមានជំងឺតាមសមគួរ ។
