ចម្រៀងបាសាក់,លាស្នេហ៍ក្បត់ចិត្ត,Education Khmer Culture ,Classical Khmer...
Posts
ហេតុឱ្យកើតរោគបានមាន៥ប្រការ!
រោគ (ន) ការឈឺចាប់,ការឈឺចាក់ដោត,ជំងឺ,អាពាធ,អាម័យ (ម.ព,អាពាធ ផង)។ ហេតុឱ្យកើតរោគបានមាន៥ប្រការ! ១.អព្យម្ពុបា ព្រោះផឹកទឹកច្រើនហួសពេក ។ ២.អតិមេថុនា ព្រោះសេពមេថុច្រើនពេក ។ ៣.វច្ចបស្សានិរោធា ព្រោះទល់ឧច្ចារៈបស្សាវៈ ។ ៤.ទិវាសុប្បាច ព្រោះដេកលក់នៅពេលថ្ងៃ (ដេកពេលថ្ងៃច្រើនពេក) ។ ៥.ជាគរារត្តោ ព្រោះដេកពេលយប់បានតិចពេក ។ ឬថា (ព្រោះខុសអនាម័យ រោគទើបកើតឡើង) ៕
នមោ (ន) រីកិរិយានមស្ការ
ប្រយោជន៍នៃការពោល នមោមាន៤យ៉ាងគឺ៖ ដើម្បីនឹងឱ្យអ្នកប្រាជ្ញទាំងឡាយលោកជ្រាបថា ការប្រព្រឹត្តយ៉ាងនេះជិតចំពោះវង្សនៃព្រះអរិយៈជាម្ចាស់ទាំងឡាយ១, ដើម្បីនឹងការពារសព្វន្ដរាយ១, ដើម្បីនឹងជម្រះសន្ដានចិត្ត ឱ្យបរិសុទ្ធ១, ដើម្បីនឹងឱ្យជីវិតិន្ទ្រិយមានខ្លឹមសារ១។ ហេតុដែលត្រូវពោលនមោ៣ចប់គឺ៖ ដើម្បីនឹងធ្វើការតាំងមនស្ការឱ្យខ្ជាប់ខ្ជួនមាំមួនឡើង១, ដើម្បីនឹងនមស្ការដល់ព្រះពុទ្ធទាំង ៣ប្រភេទ គឺចប់ទី១ សម្រាប់នមស្ការដល់ព្រះពុទ្ធជាបញ្ញាធិក, គឺចប់ទី២ សម្រាប់នមស្ការ ដល់ព្រះពុទ្ធជាសទ្ធាធិក, គឺចប់ទី៣ សម្រាប់នមស្ការដល់ព្រះពុទ្ធជាវីរិយាធិក១។ បោរាណាចារ្យលោកបានចងជាគាថាសម្ដែងទុកមកថា៖ នមោ សាតាគីរិយក្ខោ តស្ស អសុរិន្ទោ បវុច្ចតិ ភគវតោ ចាតុម្មហារាជិកា អរហតោ សក្កោ តថា សម្មាសម្ពុទ្ធស្សាតិ មហាព្រហ្មេហិ បវុច្ចតិ ឥតិ ឯវំ បញ្ច ទេវាហិ បទិដ្ឋិតាតិ ។ បានសេចក្ដីថា ១.នោម សាតាគីរិយក្ខោ សាតាគីរិយក្ខ ពោលថា នមោ ។ ២.តស្ស អសុរិន្ទោ អសុរិន្ទរាហូ ពោលថា តស្ស ។ ៣.ភគវតោ ចាតុម្មហារាជិកា ស្ដេចចាតុម្មហារាជិកាពោលថា ភគវតោ ។ ៤.អរហតោ សក្កោ តថា សម្ដេចសក្កទេវាជពោលថា អរហតោ ។ ៥.សម្មាសម្ពុទ្ធស្សាតិ មហាព្រហ្មេហិ មហាព្រហ្មពោលថា សម្មាសម្ពុទ្ធស្ស ...
តើរោមរបស់មនុស្សមានចំនួនដែរ
លោមា ឬរោម មានប្រមាណ ៩ ម៉ឺនរណ្ដៅ សម្បុរសក៏មានលឿងក៏មាន ខ្មៅក៏មាន , ឧបមាដូចឫសត្នោត,ឯទីកើតរោមនោះកើតពីសាច់ស្បែកដែលរុំកាយ វៀរលែងតែទីដែលសក់ដុះនឹងផ្ទៃបាតដៃ ឬផ្ទៃបាតជើង មានឫសចាក់ចុះទៅប្រវៃងមួយពងចៃ ដុះតែក្នុងមួយរន្ធ ១ សរសៃៗមិនដុះមួយរន្ធៗពីរបីសរសៃឡើយ រោមនេះជាបដិកូលកម្មដ្ឋាន ៥ ប្រការដូចគ្នានឹងសក់ដែរ។
តើសក់របស់មនុស្សមានចំនួនប៉ុន្មានដែរ
នៅក្នុងព្រះអភិធម្មរូបបរមត្ថសម្ដែងថាកេសាឬសក់មានរហូតដល់៩លានសរសៃ ១.កេសា ឬសក់ របស់មនុស្សយើងមានចំនួន ៩លានសរសៃ មានពណ៌ខ្មៅ មានឫសចាក់ចុះទៅក្នុងស្បែកក្បាលប្រវៃង ១ចុងស្រូវ .សក់នេះដុះតែក្នុង ១ រន្ធមួយសរសៃ មិនដែលមានដល់ពីរសរសៃឡើយ. សក់នេះអ្នកប្រាជ្ញទាំងឡាយ លោកកំណត់ពិចារណាដោយបដិកូលកម្មដ្ឋានថាជាទីគួរខ្ពើមរអើមមាន ៥ ប្រការ គឺ៖ ១.បដិកូលដោយសម្បុរ ២. បដិកូលដោយស្ថាន ៣. បដិកូលដោយក្លិន ៤. បដិកូលដោយទីកើត ៥.និង បដិកូលដោយទីលំនៅ ត្រូវជា៥ប្រការ.ឱ្យពិចារណាដូចបុគ្គលបរិភោគភោជនាហារ កាលបើបានឃើញ សក់ធ្លាក់ចុះមកលើភោជនាហារ ក៏ខ្ពើមរអើមចាប់ចោលចេញ ពុំបានបរិភោគឡើយ,សក់នេះជាទីស្រឡាញ់ពេញចិត្តតែកាលតាំងនៅលើក្បាល វេលាដែលជ្រុះចុះមកកាលណាហើយ ក៏មានសេចក្ដីខ្ពើមរអើមពន់ប្រមាណណាស់,សក់នេះដុះនៅលើក្បាលត្រាំនៅក្នុង ខ្ទុះនឹងឈាម ទឹកស្លេស្ម ជាដើម, ឧបមាដូចជាបន្លែឫស្មៅដុះនៅជិតកុដិឬបង្គន់ជារបស់ស្មោកគ្រោកលាមកអាក្រក់គួរខ្ពើមរអើមពេកណាស់ ។ សរសេរដោយ ភិក្ខុ គុណវុឌ្ឍីយោ គឹម សេ
