កិរិយាអនុគ្រោះ,វេយ្យាករណ៍បាលី

វិភត្តិអាខ្យាទាំង ៨ពួកនុះ មានពាក្យប្រែផ្សេងៗ គ្នា ។ ពាក្យប្រែទាំងនេះ ហៅថា   កិរិយាអនុគ្រោះ ឯកវចនៈ និងពហុវចនៈ ប្រែថាដូចគ្នាតែម៉្យាងដូចតទៅនេះ  

១.វត្តមានា មានកិរិយាអនុគ្រោះថា កំពុង-,កំពុងតែ-,ទើប-,ទើបនឹង-,ហើយ,នឹង-,រមែង-

,តែងតែ-,គង់-,គង់តែ- ឬប្រែទទេៗ គ្រាន់តែចេញស័ព្ទរបស់កិរិយាស័ព្ទប៉ុណ្ណោះក៏បាន ។

២.បញ្ចមី  មានកិរិយាអនុគ្រោះថា ចូរ-,ចូរ-ចុះ,សូម-,សូមឱ្យ- ។

៣.សត្តមី  មានកិរិយាអនុគ្រោះថា គួរ-,គួរតែ-,គប្បី-,ត្រូវ-  ។

៤.បរោក្ខា  មានកិរិយាអនុគ្រោះថា -ហើយ ។

៥.ហីយត្តនី  មានកិរិយាអនុគ្រោះថា -ហើយ បាន-ហើយ ,កុំ-ឡើយ ។

៦.អជ្ជត្តនី  មានកិរិយាអនុគ្រោះថា -ហើយ,បាន-ហើយ 

៧.ភវស្សន្តិ  មានកិរិយាអនុគ្រោះថា  នឹង- ។

៨.កាលាតិបត្តិ  មានកិរិយាអនុគ្រោះថា នឹង-ហើយ ,នឹងបាន-ហើយ ។