និមិត្តរូបជាតិ,និមិត្តតាមច្បាប់ខ្មែរ,និមិត្តតាមនិយម

                           និមិត្តរូប

១.និមិត្តរូបជាតិ

-រុក្ខជាតិ : ដើមត្នោត

-មច្ឆជាតិ : ត្រីគល់រាំង

-បុប្ផជាតិ : ផ្ការំដួល

-ផលជាតិ : ចេកពងមាន់

-សត្វចតុប្បាទ : គោព្រៃ

-ឧរង្គសត្វ : អណ្ដើកសរសៃ (អណ្ដើកហ្លួង)

-បក្សី : ត្រយ៉ង ។

២.និមិត្តរូបតាមច្បាប់ខ្មែរ

-ព្រះខ័នឥតស្រោម : ស្ដេចឥតអំណាច

-ដើមជ្រៃ : អកតញ្ញូ

-ខ្លា : អកតញ្ញូ

-ក្រពើ : អកតញ្ញូ

-ឆ្កែកន្ទុយខ្វៀន : មនុស្សពុតត្បុត

-កង់រទេះ : វិវត្តន៍

-ដែកក្ដៅ : អបាយមុខ

-ភុជង្គនាគ : អ្នកប្រាជ្ញ

-ខ្ទួយ : មនុស្សអួត

-ផ្លែល្វា : មនុស្សល្អតែក្រៅ

-ផ្លែខ្នុរ : មនុស្សសប្បុរស

-ត្រីនិងស្រមោច : ការសងសឹក

-សំពៅនិងសំប៉ាន់ : ការពឹងពាក់ ។

៣.និមិត្តរូបតាមនិយម

៣.១. ពណ៌

-ពណ៌ក្រហម : វីរភាព

-ពណ៌ខៀវ    : មេត្រីភាព

-ពណ៌ខ្មៅ     : ទុក្ខព្រួយ

-ពណ៌បៃតង : សេចក្ដីសង្ឃឹម

-ពណ៌លឿង : សន្តិធម៌

-ពណ៌ស      : សេចក្ដីបរិសុទ្ធ

-ពណ៌ស្វាយ : ភក្តីភាព

៣.២. សត្វ

-កណ្ដៀរ : ការព្យាយាម

-ឃ្មុំ : ការងារ

-ឆ្កែ : ភក្តីភាព

-ឆ្មា : ពុតត្បុត

-ជ្រូក : លោភៈ

-ត្មាត : ទោសៈ

-ទា : ហីនភាព

-ពពែ : ចិត្តសាវា

-ពស់វែក : មោហៈ

-ពីងពាង : កាមកិលេស

-ព្រាបស : សន្តិភាព

-មាន់ : សេចក្ដីប្រយ័ត្ន

-មេអំបៅ : អំណួត

-រាជសីហ៍ : អំណាច

-គ្រុឌ : អំណាចអាកាស

-លា : ភាពភ្លីភ្លើ

-ស្វា : ភាពក្រឡេចក្រឡឹម

៣.៣.វត្ថុ ឬរូបសញ្ញា

-កាកបាទក្រហម : ជំនួយសង្គ្រោះ

-កួរស្រូវ : ភោគផល

-ក្រចកសេះ : សុភមង្គល

-ខ្សែបូ : មិត្តភាព

-ជញ្ជីង : យុត្តិធម៌

-ឈើឆ្កាង : មរណភាព

-ដៃចាប់ដៃ : មិត្តភាព

-ផ្កាកុលាប : ស្នេហា

-ភ្លើងទៀន :  ចំណេះវិជ្ជា

-យុថ្កា : អំណត់ ។