រង្វាស់ពេល,រាប់តាមបុរាណ,ឆ្នាំខែថ្ងៃ,កាលឆ្នាំកាលខែកាលថ្ងៃ

រង្វាស់ពេល

- ១ឆ្នាំទិព្យ = ៣៦០ ឆ្នាំមនុស្ស ។

- ១សហសវត្ស = ១០ សតវត្ស = ១០០ទសវត្ស = ១០០០ឆ្នាំ ។

- ១សតវត្ស = ១០ទសវត្ស = ១០០ឆ្នាំ

- ១ទសវត្ស = ១០ឆ្នាំ

- ១ឆ្នាំ = ២ឆមាស = ៤ត្រីមាស = ១២ខែ =៣៦៥ឬ៣៦៦ថ្ងៃ

- ១ឆមាស = ២ត្រីមាស = ៦ខែ

- ១ត្រីមាស = ៣ខែ

- ១ខែ = ៣០ ឬ៣១ ថ្ងៃ(លើកលែងខែកុម្ភៈមានតែ២៨ឬ២៩ថ្ងៃ)

-១សប្ដាហ៍ =៧ថ្ងៃ

-១យាម =៣ ឬ ៤ម៉ោង

-១ថ្ងៃ ១យប់ = ៨ ឬ ៦យាម =២៤ម៉ោង

-១ម៉ោង =៦០នាទី =៣៦០០វិនាទី

ក្នុងសម័យបុរាណច្រើនប្រើហៅថា យាម តែក្នុងវេលាយប់ៗមួយមានបីយាមគឺៈ

យាមទី១ ហៅថា បឋមយាម ឬប្រថមយាម

យាមទី២ ហៅថា មជ្ឈិមយាម ឬមធ្យមយាម

យាមទី៣ ហៅថា មច្ឆិមយាម ឬបស្ចិមយាម

(ក្នុងយាមមួយៗ បើគិតជាម៉ោងមាន៤ម៉ោង) ។

-១ =១២ខែ (ការគិតអាយុក្មេង គេរាប់ពីខែដែលវាកើតរហូតមួយជុំដល់ថ្ងៃដដែលនេះវិញគេហៅថាមួយខួបគឺត្រូវជា១២ខែ។)

-១សន្ទុះ = គឺជារយៈពេលជាកំណត់មួយ អាចស្មាបានប្រហែលជា១ម៉ោង ។

-១បោក = ជារយៈពេលជាកំណត់មួយប្រមាណជា

កន្លះម៉ោង ។

-១បារី = ជារយៈពេលប្រមាណ១៥នាទី ។

-១ស្លាបស្លា = រយៈពេលប្រហែល២០នាទី ។

(ចំណាំ៖ ពេល១បារី គឺរយៈពេលដែលជក់ថ្នាំអស់១បារី ឯពេល១ ស្លាបស្លា គឺរយៈពេលដែលអ្នកស៊ីស្លាសាបអស់រសជាតិ ត្រូវខ្ជាក់ចោលកាកស្លាហើយ ។)

-១ស្រឡេត =រយៈពេលខ្លី ប្រមាណ៥ទៅ១០នាទី ។

-១ភ្លែត =ស្មើនឹងរយៈពេល៥នាទី ។

រង្វាស់ពេលផ្សេងៗទៀត

-ពេលថ្ងៃ

-ពេលយប់

-ព្រហាម

-ថ្ងៃកម្ពស់ចុងដូង(ប្រហែលម៉ោង៩ព្រឹក)

-ថ្ងៃជ្រេ (ប្រហែលជាម៉ោង១-២ល្ងាច)

-ថ្ងៃបាក់រសៀល (ប្រហែលជាម៉ោង៣-៤ល្ងាច)

-រសៀលគងភ្នំ (ប្រហែលជាម៉ោង៥ល្ងាច)

-ថ្ងៃលិច (ប្រហែលជាម៉ោង៥-៦ល្ងាច)

-ពេលគោចូលក្រោល

-ព្រលប់ (ពេលងងឹតតិចៗ)

-យប់ជ្រៅ (ប្រហែលជាម៉ោង១០-១១យប់)

-អធ្រាត្រ (ប្រហែលជាម៉ោង១១-១២យប់)

-រំលងអធ្រាត្រ (ប្រហែលជាម៉ោង១-២យប់)

-មាន់រងាវទឹកជោរ (ប្រហែលជាម៉ោង២-៣យប់)

-ទៀបភ្លឺ  (ប្រហែលជាម៉ោង៣-៤យប់)

-មួយប៉ប្រិចភ្នែក (ប្រហែលជា១វិនាទី)

-មួយភ្លែត (ប្រហែលជា៤-៥នាទី)

-មួយស្របក់ (ប្រហែលជាទី១០-២០នាទី)

-មួយចម្អិនបាយ

-មួយសំកាំងពោះដំរី

-មួយទឹក

-មួយចម្អិនកំពឹស ។